Saturday 19 November 2011

Loke ta mihor pa tur.

Lagami sali bisa, ku loke ta mihor pa tur, ta e punto di mas haltu di bondat ku por èxsiti.

Nos a biba y ta bibando semper hasiendo loke ta mihor pa nos mes so, nunka nos no a biba riba e mundu aki hasiendo loke ta mihor pa tur.
Tur nos lèinan, tur nos reglanan, tur nos systemanan, tur ta reflegá loke ku semper nos a sali ta biba for di den kuminsamentu  lokual ta; ' loke ta mihor pami so'

Ta pesèi ami a join e grupo ku jama desteni, e uniko grupo ku di bèrdat ta hasiendo tur dia riba un nivel praktiko pa trese den e mundu aki, loke ta mihor pa unu y tur, loke ta mihor pa tur bida. Y djis pasobra nos ta hasiendo esaki, y ku tur hende ta mal di ''brainwashed'' tur ta rechasá e lokenan nos ta trese dilanti ku ta nada otro ku loke ta sentido komun. Si bo no ta hasiendo uso di bo sentido komun, ta bira hopi difisil pabo kompronde y realisa, kiko nos ta papiando di dje.

Tur loke nos ta hasiendo diariamente, ta éxposá loke ta pasando den e mundu en general y tambe den e mundu paden di nos mes,e mundu kaminda nos tin nos sekretonan. Y manera nos mes ta mira kaba y bini ta experensiando, ta ku e mensage di '' loke ta mihor pa tur'' ta masha difisil mes pa esunan ku ta drumí y ku ta mal di ''brainwashed'' ku nan no por tende loke ta wòrdu bisá, pasobra e ta kompletamente kontra loke nan a bin ta akspepta y tuma komo: ''asina bida ta.'' lokual ku ta kompletamente fabriká.

Den desteni nos ta husa algun hèrmènt pa jega na un punto di auto- realisashon, asina ku di e manera aki bo aktua semper den auto-honestidat y di un manera ku semper ta reflegá loke ta: '' MIHOR PA TUR..!!!''

E hèrmèntnan ta e puntonan aki:

1) skirbi bo mes liber
2) auto-pèrdon
3) auto-honestidat
4) auto-korekshon di akshonan
5) sentido komun
6) Rosea

Pa áklará e punto nan ariba menshoná, mi ta bai amplia un poko mas riba kada punto ja bo por haña un bista mas klaro di loke kada punto ta trese kuné den e konteksto fysiko praktikamente.


Auto-pèrdon

Auto-pèrdon ta nifiká ku bo ta trese tur loke ku ta bon òf malu, ku ta robes òf drechi, ku ta negativo òf positivo  tur aki den bo, komo bo mes y pèrdoná nan tur komo bo mes. Awor dikon lo bo ta puntra ku bo tin ku pèrdoná tur esakinan..??

Dor di e simpel echo ku bo mente ta funkshoná ábase di e tres puntonan aki.

Bo mente tin komo fundeshi e tres puntonan aki, ku e ta husa pa asina generá energia pa e por èxsisti, y e energia ku e ta generá aki ta bo KURPA ta produsiele. Ta pesèi kada bes kubo partisipá den polaridat, bo ta hasiendo uso di bo mente òf mihor bisá bo mente ta kompletamente den kontròl.Tur esaki ta dor kubo mente mes riba su mes ta un systema energetiko y energia NO ta BIDA..!!!

Lagami buta e puntonan di polaridat ku e mente ta husa pa generá energia pa e ta mas klaro pabo.

1) bon ku malu
2) robes ku drechi
3) positivo ku negativo

Tur e loke nan ta: '' malu/robes/negativo'' ta mará ku loke bo ta jama: ''emoshon''
Tur loke nan ta: '' bon/drechi/positivo'' ta mará ku loke bo ta jama: '' sintimentu''

Y e mente ta bula di un p'e otro kada bes den esaki nan.



Awor paga bon tinú y wak den e mundu aki, ku ta eksaktamente ta e kosnan ku tur hende ta hasiendo, unda ku bo bira. rònt mundu. Anto dor di lokenan a wòrdú siñá for di esunan ku tabata prome kubo aki riba e mundu aki, nan a siñabo semper wak pabo hasi loke ta: '' bon, drechi y positivo'' y wak pabo den tur momentu purba mas tantu posibel di no hasi lokenan ta: '' malu, robes y negativo''

Pero den tur esaki, kiko loke ta pasa ta, kubo no a paga tinu riba dje, kubo ta purbando di kore for di algu ku ta pèrtenesé na y ku otro. Pues e tres puntonan ariba menshoná bo no por tin unu sin e otro. Ta pesèi si bo paga bon tinu den e mundu aki bo ta mira ku majoria biaha, loke nan kubo ta hasi ku segun bo ta positivo tin un áfekto negativo pa otronan den e mundu aki. Tur esaki ta dor ku nos no ta paga tinu òf tene konsiderashon ku tur otro kos, nos ta kompletamente ta hasi loke ta mihor pa nos so semper, loke ta wòrdu jamá: '' egoismo''

Pa esaki ta bon kla, mi tin ku duna un ehèmpel.

Laga nos bisa kubo kier ta un mijonario den e mundu aki y bo ta hasiendo tur loke ta na bo alkanse pa bo jega na bo meta final ku ta: '' ta un mijonario.'' Awor segun bo, bo ta hasiendo algu positvo, ku lo tin un punto di kulminashon ku lo ta positivo y bon PABO. Pero ora bo bai wak kon sèn ta wòrdu kreá den e mundu aki y kon nos tur ta tratando diariamente ku sèn, bo lo ripara ku pa un hende so haña mas y mas sèn hopi otro hende tin ku tin menos sèn y tin ku te hasta lo NO tin sèn mes mas pa biba den e mundu aki, anto di e manera aki, bo manera ku segun bo tabata y ta masha positivo ta resultando den realidat kompletamente negativo pa otro hende y no hende so tampoko, sino otro sernan tambe nan bida. No lubida ku nos ta sosteniendo y duna balor na un systema di DEBE, ku nos tin ku keda debe otro pa nos por trata nos miedu ku nos mes a krea huntu ora ta trata nos sobrebibensha riba e mundu aki, ku ta totalmente ínesesario. Tur loke nos mester a hasi ta, wak e mihor manera posibel pa destribuí loke ku nos tur mester pa biba riba e mundu aki di un manera digno. E kosnan aki ta e kosnan basiko ku bo kurpa mester di dje pa e por sobrebibí den e mundu aki.( kuminda, bibienda, paña drechi y limpi, kuido mediko, edukashon) pero nò, par di idiot mester a bini ku un systema di abuso, un systema di sin bèrguenseria y totalmente ímoral y sin ningun rèspèt di ningun manera pa BIDA den su totalidat. E systema aktual di DEBE ta kompletamente KONTRA bida, NO ta karga bida di ningun manera, sino abusando so di dje den tur forma, y ta esaki nos ta kontribuí diariamente na ne, kubo ta pèrtenesé na esunan ku tin of esunan ku NO tin ketubai tur ta konsekuensianan di e systema aktual.

Anto pa dunabo un par di ehèmpel kon pa skirbi bo auto-pèrdonan ta lo sigiente:

Mi ta pèrdona mi mes kumi a akspeta y tuma, ku mi ta kere kumi mente ta real.
Mi ta pèrdona mi mes kumi a aksepta y tuma, ku ta kere ku bida ta nifika; kumi ta pensa, kumi tin sintimentu y kumi tin emoshonan ta pesèi mi ta bibu.
Mi ta pèrdona mi mes kumi a aksepta y tuma, kumi tin ku biba den un mundu ku ami y tur otro huntu ta askepta ku ta nos '' naturalesa.'' manera nos ta aksepta y tumele den e systema di polaridat.
Mi ta pèrdona mi mes kumi a askspeta y tuma, ku mi ta kere ku tin un ser ku jama dios ku ta pafó di mi mes y ku ta mas kumi y ku ta te hasta mas ku bida, un ser superior, enbes di realisa y mira y kompronde kumi ta AKI komo BIDA semper.

Asina ki bo por sigi kubo auto-pèrdon nan.







Skirbi bo mes liber

Ku esaki bo ta buta riba papel tur loke ku ta den bo mente ja bo por mira klaramente den e mundu fysiko kiko ta tur e kosnan ku ta biba den bo y ku ta wòrdu projektá di e manera aki den e mundu pafó, e mundu en general. Anto hasiendo esaki e ora èi bo por hasi bo auto-pèrdon ku e kosnan kubo a skirbi riba papel ku ta biba den bo sea bon òf malu, robes òf drechi, negativo òf positivo, tur loke bo tin komo idea, tur bo pensamentunan y sintimentunan y emoshon nan.


Auto-honestidat

Ku esaki saliendo for di loke bo a skirbi bo ta sòru semper bo skirbi di bèrdat tur loke ta den bo,honestamente sin laga nada afó. Pues bo ta sòru kubo ta honesto kubo mes, pabo mira ken bo ta di bèrdat y asina pèrdoná tur esakinan ku di bèrdat NO ta BIDA.



Auto-korekshon di akshon

Esaki ta un punto hopi importante, pasobra pèrdoná bo mes no ta sufisiente, bo tin ku bai awor ora kubo a kaba di pèrdoná bo mes sòru pabo biba den reaidat, den e mundu fysiko tur e lokenan kubo a pèrdona bo mes di dje, e auto-pèrdon ta funkshoná komo un systema di DELETE. Pero e delete ta di bèrdat tuma lugá ora kubo bibé. Esaki ta e punto di mas difisil ku tin pa kada hende den e mundu aki, pero no imposibel.


Sentido komun

Esaki ta ora kubo ta mira direktamente/den aktualidat/defakto, kiko ta pasando den bo y den e mundu en general y ku no ta loke ta mihor pa unu y tur, pa bida en general, loke nos ta jama: '' unidat y igualdat''

Lagami duna un ehèmpel simpel pa tur por kompronde kiko mi kiermen ku esaki.

Nos tur ta mira ku tin gera den e mundu aki,y nos tur sa ku gera ta mata hende y no hende so sino tambe bestianan y matanan y destruí infrastruktura. Pero manera bo mes ta mira nos tur, kada unu ta aksepta y tuma e kos aki, y tur ta bisa ku no ta ami su falta, pasobra no ta ami ta den gera òf a ínstiga pa tin gera, no ta ami su responsabilididat, kaminda ku di bèrdat ta nos tur huntu su responsabilidat, pa esaki nan no sosode nunka di ningun manera. Ta ora kubo ta biba den separashon den bo mente so bo por tin miedu y kubo ta kere kubo tin algu di defende. Kompletamente un lokura di marka majó.

Rosea

Rosea ta e punto tambe di hopi importansha. Bo por imaginá ku awor nos tin ku bai siña kon pa hala rosea, kon pa ta unu y igual ku kada rosea kubo hala....??  Paga bon tinu y lo bo mira kon bo no ta konsiente di ningun  manera di kada rosea kubo ta hala y no lubida ku rosea den bo buki a wòrdu jamá: ''rosea di bida''

Anto rosea di bida no ta óksigeno, óksigeno ta loke e mundu aki ta produsí pa tur e expreshonan por tin e posibilidat di hala e rosea di bida aki.

Y pa trein esaki mi ta duna un ehèmpel kon bo por kuminsa y hasi esaki pa 21 dia largu y bo lo wak kon difisil ta pabo ta unu ku bo rosea ku ta bida.

Bo ta hala rosea aden y hasiendo esaki bo ta konta 1, 2, 3 y e di kuater biaha bo ta wanta bo rosea 1, 2, 3 y di kuater biaha y esaki nos ta jama e momentu infinito, y den e momentu infinito aki si algu move den bo, bo ta sòru pabo pèrdoná bo mes esaki, e por ta kiko ku ta, un pensamentu, un imagen, un zonido den bo mente, un emoshon, un sintimentu, tur kos ku bini ariba bo ta pèrdona bo mes esaki. Depues bo ta konta atrobe 1, 2, 3  y di kuater biaha bo ta supla rosea afó y den e suplamentu aki di rosea afó bo ta sakando ku e rosea di bida tur e lokenan ku no ta pèrtenesé den bo, ku no ta trata ku bida, ku ta unu y igual ku bida, komo bo rosea, algu kubo semper a nigleshá y no paga tinu di ningu manera riba dje y ku ta algu asina simpel. Y despues di e halamentu di rosea afó bo ta konta atrobe e momentu di ''pauze'' ku ta atrobe 1,2,3 y di kuater biaha bo ta bolbe kuminsa na kuminsamentu kaminda bo ta hala rosea aden kubo konteó di 1,2,3 y kuater etc etc............Ora bo paga bon tinu lo bo mira kubo no por pensa ora kubo ta unu y igual kubo rosea., pero tòg bo por funkshona. Anto e dia ei lo bo haña sa kubo mente ta real si òf no. Y lo bo haña sa, kubo mente ta un SYSTEMA. Ku nos ta jama den desteni: ''mind consciousness system''

Mi ta spera ku esaki lo ta klaro pabo y si bo tin algun pregunta tokante esakinan, lagami sa.

Y si bo kier sa mas di loke nos grupo ta hasiendo, bo por sigi nos riba e sigiente wèbsite nan:


www.desteni.co.za
www.equalmoney.org
www.destonians.com

Y si bo ta haña ku ta asina difisil pabo ta toka parti di e solushon personal plus e solushon pa humanidat bo por sikiera steun nos research na: http://eqafe.com/       aki bo  por kumpra algun produkto ku nos ta produsí y ku ta juda nos pa trese den e mundu aki, un mundu nobo kaminda loke ta mihor pa tur ta un realidat pa un y tur semper. Y no lubida, ku loke ta mihor pa tur, ta mihor pabo tambe, pasobra bo tambe ta parti di e ''tur'' ku nos ta papia di dje aki, ku den e kaso aki ta HUMANIDAT.

Danki.


Larry Manuela







































No comments:

Post a Comment